محمد حسان عن المعونة :
_ مفيش حاجة تيجى من الغرب تسر القلب
شباب الثورة
_ ثورة هنية خطفها ابن الجنية !
عن البلكيمى المتاسلم والتستر خلف الاسلام:
_ من عملها تجارته يا خسارته
عن الثورة
_ كل ثورة وليها محتال
الاخوان اغلبية فى البرلمان وفى تاسيسية الدستور
_ اللقمة الكبيرة تقف فى الزور
وايضا
_ صاحب بالين طماع
وضع الاخوان من الوجود السلفى بالبرلمان
_ اخوانجى دخل البرلمان سلفنجى لبد له فيه!!
اولاد عمر سليمان وتحريضه على الدخول فى مارثون الانتخابات الرئاسية :
_ قالوا يابا قوم وشرفنا . قال لما يموت اللى يعرفنا
للاخوان
_صام صام وفطر على دولة
التيكتيك الذى سيتبعه مجلس العسكر مع الاخوان لو استمر التوتر
_الشريك لو خالف اخسر وخسره !
ابو الفتوح للشعب لو اصبح رئيسا انشاءالله:
_اعلى ما فى جيشنا هركبه !
_التجمع والوفد والناصرى عن الاكتساح الاسلامى فى البرلمان:
_علمناهم السياسة سبقونا فى الانتخابات !
ممثل طلبة الجامعة فى تاسيسية الدستور طلع من الاخوان :
_على وشك يبان يا بتاع الاخوان !
بديع للكتاتنى :
_يا قلبى يا كتاتنى ايوة كده ظبطنى !
كتاتنى لبديع:
_ايوة كده يابديع البلد فى ايدينا ابدا ما تضيع !!
الجيش لن يستطيع مقاومة سحر السلطة وطنطاوى يبرر ذلك ب
_كل ما قول يارب توبة . يقول الشيطان بس النوبة !!
المجلس العسكرى للمجتمع الدولى :
انكل واقتل فى شعبى واكره اللى يقول بعدين !!
_ لشباب الثورة الاحرار :
ادى سرك للى يصونه ومكنتش اديت ثورتك للى يخونه !!
اخرب بلدى بايدى ولا اقول للمجلس يا سيدى !!
_ للشعب ان اراد فلاحا ونجاحا :
اصرف مجلس الجيش يجيلنا الخير ونقدر نعيش !!
_ اسلوب تعامل العسكر مع المعرضين :
اطعم المعرض يستحى يعارض !!
_ نظرة مجلس العسكر للشعب :
ان شفت شعب اعمى دبه وخد عشاه من عبه !!
_ للحملة الاعلامية الشعواء ضد البرادعى
البحر ميتعكرش من الترع !!
_ بخصوص الميزانية المفشوخة اياها بتاعة الجيش :
بدل الدبابة والصولجان هات رغيف عيش لشعبك الجعان !!
اللى يعوزه الجيش يحرم على الشعب !!
_ المجلس لترزية دستور المستقبل :
اللى يلاقى من يطبخ له ليه يحرق صوابعه !!
_ لدستور المستقبل
اللى تخاف منه ميجيش اسوا منه !!
_ مصطفى بكرى للشعب مبررا تعريضه :
اللى ميعرفش يرقص رقصى يقول الارض عوجة !!
_ الخلاف بين المجلس والاخوان
انت كبير وانا كبير امال مين يسوق الحمير !!
_ للقوى السياسية :
امشى عدل هتاخد من العسكر برده على قفاك !!
_ لترزية دستور المستقبل :
بكره نقعد على دماغكوا ونشوف افتكاساتكوا !!
_ علاقة الاخوان بالمجلس من ثورة يناير الى الان :
راحت تاخد بتار ابوها رجعت حبلة !!
_ اسلوب المتاسلمين فى اى الانتخابات
الزن على الودان نجح النور والاخوان !!
_ ل السيد البدوى :
خليت الوفد زى الغازية ترقص لكل واحد شوية !!
ليست هناك تعليقات:
إرسال تعليق