يا داخلية محتاجة فرمطة

شئ غريب فعلا ما هو سر بقاء السيد
 حبيب الاهلى فى منصبه حتى اللحظة رغم تكرار الحوادث الارهابية والاحداث الطائفية منذ عام 1997 وهو تاريخ توليه المنصب .وحادث كنيسة القديسين بالاسكندرية دليل واضح على القصور الامنى الفادح.جهاز الشرطة بمصر بكل عتاده (اكثر من 2مليون شخص ، من عساكر امن مركزى ينفذوا اللى يتقال.مخبريين يتم اختيارهم حسب حجم كف الايد و يلزم ان يكون سميك  ومصبوب عشان يطبع على اجدعها قفا .ننوس عين امه والامة كلها طبعا ظابط الشرطة وفى المقدمة اكيد  البهوات الكبار اللى هما طبعا اباء لظباط الشرطة يعنى جو عائلى جدا) واما بالنسبة لعدة الشرطة فهى(عربيات البوكس والاتارى المنتشرة بالشوارع اكتر من رغيف العيش وهى ليها عدة وظائف تقوم بها بكفاء عالية وهى توصيل الاجيال الصغيرة من ضباط شرطة المستقبل من والى الحضانة او المدرسة.وبالمرة  يجيبوا بيها الخضار من السوق عشان الهانم مرات الظابط وام ضابط المستقبل ,طبعا  بالليل البوكس ليه استخدام تانى للى ميسمعش الكلام من الشعب واحيانا بالشبه ( شكلك ميعجبش جنابه  ) مثلا دا ذنبك انت ! 

عربيات اشكال والوان رينو ودايو وجيب وبيجددوها كل سنتين تلاتة .ميزانية مفتوحة عالبحرى.يعنى الحكومة مش مقصرة مع الشرطة خالص دا حتى مصر اسمها جمهورية مصر البوليسية طيب ايه سبب القصور الامنى !!!.لكن شهادة لصالح الشرطة انهم بيكونوا فى الموعد اوقبله  حتى فى اى مظاهرة ولو فوق السطوح وفى الانتخابات بيقوموا بالواجب .


 by Il Nubiano on Monday, 3 January 2011 at 09:44