حد قال انا هنتخب ( حمدين صباحى ) علشان شكله حلو وينفع يبقى رئيس !! او بالاحرى عريس !!
وواحد تانى قال انا هنتخب عمرو موسى علشان هو رجل دولة على غرار ( ست بيت ) . وعارف البلد ( المطبخ ) كويس !!
وواحد تالت قال بلهجة الواثق انا مش هنتخب ( البرادعى ) قبل ماينسحب علشان
بيتهته فى الكلام واقرع وطول عمره عايش برا وعميل لامريكا والغرب !!
وواحد رابع قال انا هنتخب ابوالفتوح علشان راجل عارف ربنا ومش هيسرق !
(ملحوظة رفيعة )
فى خلال ال30 سنه المنقضية ترسخ اعتقاد لدى غالبية
الشعب ان اصل اى رئيس جمهورية حرامى والاستثناء انه يكون مش حرامى !! منك
لله يا مبارك .
وواحد خامس قال انا مش هنتخب ابو الفتوح لان (
السجاير ) خط احمر واى ضرائب هتتفرض عليها كفيلة باندلاع ثورة اخرى لا تبقى
ولاتذر ( ياناوى على سيجارتى ياناوى على خسارتى ومرارتى )
احساسى ان احنا بتختار عريس لمصر .. مش رئيس !
طيب لو عريس صلاحياته هتكون ايه وهل حماته ( العسكر ) هتسيبوا على راحته !! ولا هتقصقص ريشه !!
كلمة ( برنامج انتخابى ) الاساس الذى يجب ان نبنى عليها اختياراتنا
سمعتها مرة او مرتين فقط .. لذا فان اختياراتنا تحددها وتقررها عوطفنا
.منها ( شكل المرشح . تسريحة شعره . طولة لسانه . الكاريزما الخاصة به مش فاهم يعنى ايه
كاريزما دى وهتفيدنا فى ايه . واعلامنا المنافق بالطبع )
ليست هناك تعليقات:
إرسال تعليق